زيارة من نوع مختلف

وانا في تانية جامعة كنت متعود كتير مروحش الكلية وانزل أكمل نوم في شقة جدتي الله يرحمها، كانت شقتها قريبة المهم عادي دخلت وريحت شوية بس مروحتش في النوم وسمعت باب الشقة بيفتح وصوت أمي وأختي وهما داخلين بيتكلمو مع بعض.

المهم انا روحت ممدد عالسرير عشان لما يخشو ويسالوني أقول لهم عادي كملت نوم هنا المهم أنا كنت حاطط راسي ع المخدة ومستنيهم وشوفتهم بيعدوا من قدام الاوضة وبصوا عليا ومحدش اتكلم معايا وكملو كلامهم مع بعض كاني مش موجود.

 قولت عادي يمكن مخدوش بالهم أنا ايه هفضل زي ما انا وخلاص ، معرفش عملوا ايه في الشقة ومشيوا تاني المهم أنا ساعة كدة وروحت طالعلهم بس هقولهم عادي أنا مروحتش الجامعة عشان لو كانو شافوني ولا حاجة مطلعش كداب المهم طلعت البيت بسأل أمي انتو بصيتوا عليا ومشيتو في الشقة ليه ردت عليا رد صادم قالتلي شقة ايه يا ابني انا لسة صاحية من النوم حالا.

بقلم: محمود - مصر